ég hlakka svo til...

...að vera búin í prófum....
....að eiga afmæli....
....að fara í jólahlaðborð....
...að fá gluggagægir til að gefa mér í skóinn...
...að fá ljós friðar og vonar heim....
....að geta hangið ALLAN daginn...

...að vakna í fyrramálið og fá mér súkkulaði úr jóladagatalinu mínu....
Bíddu.....
ég á EKKERT jóladagatal...
hvað á ég að gera?
ég get ekki bara farið og keypt mér það sjálf... þetta er svona regla eins og með...eins og með... var ekki einhver regla um að mega ekki kaupa sér eitthvað sjálfur??? jú, örugglega tarot spil!
og hvað gera bændur þá?!
ég veit ekkert skemmtilegra en að vita að ég geti í heila 24 daga byrjað daginn á litlum súkkulaðimola og það er gersamlega leyfilegt...kaloríurnar teljast ekki með, þetta er nefnilega töfrajólasúkkulaði...
uppáhaldið mitt er líka að finna 10.des og sjá hvaða mynd er á því og svo að sjá hvernig súkkulaði er inní...
Ein jólin keypti mamma svona risa amerískt vegg jóladagatal sem var hengt upp á vegg og hver dagur átti sinn eigin vasa. Við systkinin, sem vorum þá bara 3, fengum á hverjum morgni alveg eins og fórum alltaf saman að sjá hvað við fengum á hverjum morgni...
það er alveg eftir mér að gera svona fyrir mig og ýmindaða non existing kærastann minn..

en jæja, ég er ein á stúdentagörðum og enginn lítill súkkulaðibiti mun gleðja munn og maga í fyrramálið, ég gæti grátið ég er svo leið....
það eru örugglega svona álög sem vernda dagatalið ef ég myndi kaupa það sjálf.... súkkulaðið væri örugglega myglað..
þetta er líka einkar skemmtileg leið til að telja niður í próflok, afmæli, komu fallegs fólks á klakann og átveislunnar miklu, eða hátíð ljós og friðar.

hefur einhver spáð í texta lagsins Band-Aid Christmas song.... er ekkert pólitískt incorrect að synga: Feed them...ohhh...let THEM know its Christmas time...... (hvort sem er freedom eða feed them, bæði jafn vitlaust). Hvaða THEM eru þau alltaf að syngja um, okkur hvítu vestrænu búana sem erum æðisgengnir og flottir og ÞAU afríkufólkið sem greyin fá ekki pakka eða rauðvín á jólunum?
Ég vil bara hvetja Bono og Chris Martin og Sugababes sem væla þetta lag að gefa kannski tíund af launaseðlinum sínum til hjálparstarfsins í Afríku og þá gætu þau eflaust gert það sem þeim finnst svo skemmtilegt að syngja um....feed them...ohhhhh....

ég reyndar verð að viðurkenna að fyrst þegar ég heyrði hjálparstarf kirkjunnar lagið, gleymd ekki þínum minnsta bróður, þá hljóp ég grátandi heim úr skólanum í 4.bekk og var miður mín allan daginn. Ég fyllti litla pappírsbaukinn með sveltandi bíafrabörnum framan á og lofaði að klára alltaf allan matinn minn, það eru jú sveltandi börn í afríku...

ég var kannski smá dramatískt barn sem hafði of miklar áhyggjur af heiminum..þegar ég var 8 ára heyrði ég mömmu og pabba rífast um hversu hár símareikningurinn hefði verið.. þetta var á þeim tíma sem að rauðu símalínurnar voru að byrja og ég átti frænku sem var annsi dugleg að passa mig og nota símann... (ég var svo klár, við stelpurnar hringdum aldrei heiman frá mér).. en já, ég arkaði með Jóhönnu, bestustu vinkonu minni í öllum geiminun, í allt hverfið og í hús til hús að selja steina sem við vorum búnar að mála.. ég að sjálfsögðu með fjörugt ímyndunarafl og mikla ævintýraþrá trúði því að steinarnir litu út eins og gimsteinar... ein kona sá það sama og ég og gaf mér 40 kall....ég lagði þetta í símareikningspúkkið...voðalega stolt og sæl.... eða bara eins og exið mitt sagði alltaf við mig: sigga mín, þú getur ekki bjargað heiminum...
ég vil allavega vita að ég hafi reynt það :)

svo sá ég einu sinni þátt um áhrif sápu á umhverfið okkar... ég fékk kvíðakast þegar ég sá mömmu setja of mikinn uppþvottalögur á burstann...hugsaði bara að allt drykkjarvatn yrði mengað þegar ég yrði fullorðin og plánetan ónýt...
kannski var ég reyndar ekki svo langt frá sannleikanum þar...

hmm...þetta fór frá jóladagatali og yfir í hádramatík yfir Kyoto bókuninni og sveltandi börnum.. kannski ættum við að breyta þema jólanna og vera bara öll í hjálparstarfi...
kannski í framtíðinni og minni fjölskyldu bönnum við jólagjafir og gefum peningana til heimilislausra sem við bjóðum í mat og gistingu yfir jólin...
og önnu hver jól förum við til Afríku og stríðshrjáðra landa til að hjálpa til í jólafríinu...
verðum svona aktív fjölskylda sem vinnur markvisst í því að gera jörðina að betri stað til að lifa á...

kannski mun ég bara vera ein og allir karlmenn sem höfðu áhuga á mér og lásu þetta hættu við..

þá bjarga ég heiminum bara ein!
sauma mér kannski bara samfesting í leiðinni, verð nú að vera smart víst ég ætla að bjarga heiminum..
kannski ætti ég að byrja bara hérna heima....það er víst að nógu að taka, allavega segir fjölskyldan mín það; ég eigi bara að byrja þar og vinna mig svo frá þeim punkti...

við sjáum til.....
en eins og ég sagði um daginn, ranghugmyndir og mikilmennskubrjálæði eða bara snilldarhugmynd og raunsæi?

ég vil vakna við að cyber banki á gluggann með jóladagatal..
þangað til er ég farin að glósa tölfræði...

siggdögg
-sem syngur alltaf hátt með égvileigajólinmeðþér og hugsar til ættingja og vina sem hún saknar og veit að jól eru ekki jól án þeirra-
(og trúir að hún hafi komið með jólin einu sinni til exsins..hann kom heim á miðnætti á þorlák og ég var búin að skreyta alla íbúðina hátt og lágt og kaupa jólatré....)